საფრანგეთში ბოლო ერთ დღეში კორონავირუსით 418 ადამიანი გარდაიცვალა
00:00:05 31-03-2020
საფრანგეთში ბოლო ერთ დღეში კორონავირუსის შედეგად 418 ადამიანი გარდაიცვალა. ამის შესახებ „როიტერი“ იუწყება.
საერთაშორისო საინფორმაციო სააგენტოს ცნობით, ქვეყანაში კორონავირუსით გარდაცვლილთა საერთო რაოდენობა 3 024-ს შეადგენს. საფრანგეთი ჩინეთის, იტალიისა და ესპანეთის შემდეგ მეოთხე ქვეყანა გახდა, სადაც ვირუსს 3 000-ზე მეტი ადამიანი შეეწირა.
რაც შეეხება ახალი ტიპის კორონავირუსით ინფიცირებულებს, მათი საერთო რაოდენობა საფრანგეთში 44 550-მდე გაიზარდა. ეს ნიშნავს, რომ ბოლო ერთ დღეში ინფიცირებულების რაოდენობა 11 პროცენტით გაიზარდა.