კორონავირუსის ეპიდემიის გამო კანის კინოფესტივალი აღარ გაიმართება
10:19:35 20-03-2020
კორონავირუსის ეპიდემიის გავრცელების გამო კანის კინოფესტივალი აღარ გაიმართება. ამის შესახებ კინოფესტივალის ორგანიზატორებმა განაცხადეს.
"ჯანდაცვის კრიზისის, საფრანგეთსა და მსოფლიოში განვითარებული მოვლენების გამო კანის კინოფესტივალი დაგეგმილ ვადებში ვეღარ გაიმართება“, - ნათქვამია განცხადებაში.
კანის კინოფესტივალი 12 მაისიდან 23 მაისის პერიოდში უნდა ჩატარებულიყო. ორგანიზატორები ახალ თარიღზე იმსჯელებენ.