ძლიერი წვიმებით გამოწვეულ სტიქიას ბრაზილიაში 23 ადამიანის სიცოცხლე ემსხვერპლა
10:41:13 04-03-2020
წყალდიდობა და მეწყერი იყო ბრაზილიაში, რომელიც ძლიერმა გადაუღებელმა წვიმებმა გამოიწვია. სან-პაულოსა და რიო-დე-ჟანეიროში სტიქიას 23 ადამიანის სიცოცხლე ემსხვერპლა.
დაღუპულთა შორის არიან მეხანძრეები და სამაშველო სამსახურის წარმომადგენლები. 30 ადამიანი ამ დრომდე დაკარგულად ითვლება. როგორც სამძებრო სამუშაოებში ჩართული პირები ვარაუდობენ, დაღუპულთა რიცხვი დღის ბოლომდე კიდევ გაიზრდება.