თელავში, სოფელ ფშაველის ტყის მასივს ცეცხლი გაუჩნდა
10:50:35 25-02-2020
თელავის მუნიციპალიტეტის, სოფელ ფშაველის ტყის მასივს ცეცხლი გაუჩნდა. დამწვარია დაახლოებით 1 ჰექტრამდე მიწა. ადგილზე მთელი ღამის განმავლობაში 20-მდე მეხანძრე-მაშველი მუშაობდა.
ადგილობრივების ინფორმაციით, ცეცხლი თავდაპირველად ბალახს გაუჩნდა, შემდეგ კი ხეებს მოედო. ამჟამად ხანძარი ლოკალიზებულია. ადგილზე რჩებიან მეხანძრეები, რათა ცეცხლის ბოლომდე ლიკვიდირება მოხერხდეს.