ისრაელმა იარაღის გადამზიდავი გემი დააკავა
11:05:31 26-07-2011
ებრაელმა სამხედროებმა, წითელ ზღვაში გემი დააკავეს, რომელსაც დიდი რაოდენობით იარაღი გადაჰქონდა. ამის შესახებ ისრაელის არმიის წარმომადგენელი იტყობინება.
არმიის მონაცემებით, გემის ბორტზე აღმოჩენილ იქნა „კალაშნიკოვის“ ტიპის ავტომატები, საბრძოლო მასალები და სხვა სახის იარაღი. სამხედროებმა, ასევე, გემზე მყოფი ორი პალესტინელი დააკავეს, რომლებიც დაკითხულ იქნენ. სხვა სახის ინფორმაცია, ჯერჯერობით, არ ვრცელდება. ასევე, არ არ დაზუსტებულა, ვის ეკუთვნოდა იარაღი და გემი რა მიმართულებით მიცურავდა.
თუმცა, ისრაელის ერთ–ერთი რადიოარხი ირწმუნება, რომ ხომალდი იარდანიიდან მოემართებოდა და, სავარუდოდ, ისრაელში ტერორისტული აქტების განსახორციელებლად განკუთვნილი შეიარაღება გადაჰქონდა, პალესტინური ტერორისტული დაჯგუფებებისათვის.