შერემეტევოს აეროპორტში თვითმფრინავის ბორტზე გაჩენილ ხანძარს 13 ადამიანი ემსხვერპლა
09:01:42 06-05-2019
13 ადამიანი ემსხვერპლა შერემეტევოს აეროპორტში თვითმფრინავის ბორტზე გაჩენილს ხანძარს. ინფორმაციას რუსული სახელმწიფო სააგენტო "ტასი" ავრცელებს.
ავიაკომპანია „აეროფლოტის“ კუთვნილი თვითმფრინავი „სუხოი სუპერჯეტ 100“ მოსკოვი-მურმანსკის რეისს ასრულებდა, თუმცა ის მალევე მობრუნდა აეროპორტში და დაშვებისას ცეცხლი გაუჩნდა.
ხანძრის შედეგად თვითმფრინავი ფაქტობრივად განადგურებულია.
ხანძრის გამომწვევ მიზეზად სხვადასხვა ვერსიას განიხილავენ. ერთ-ერთი ვერსიით ეს შესაძლოა მეხის დაცემა იყოს.