ბათუმში წიგნების მაღაზია „ბიბლუსი“ გაქურდეს

ბათუმში, ჭავჭავაძის ქუჩაზე მდებარე წიგნების მაღაზია „ბიბლუსი“ გაქურდეს. მაღაზიიდან წაღებულია თანხა, რომლის რაოდენობაც ჯერჯერობით უცნობია.

შინაგან საქმეთა სამინისტროს ინფორმაციით, უკვე დადგენილია სავარაუდო დამნაშავე, რომელიც არასრულწლოვანია. 

ბოლო პერიოდში ბათუმში ქურდობის რამდენიმე შემთხვევა სწორედ არასრულწლოვნებს უკავშირდება.

გამოძიება „სისხლის სამართლის კოდექსის“ 177-ე მუხლით დაიწყო, რაც ქურდობას გულისხმობს.