ჟურნალისტები სოფელ ხურვალეთში შეუშვეს

საოკუპაციო ხაზთან მდებარე სოფელ ხურვალეთში  სამართალდამცველებმა ჟურნალისტები შეუშვეს.

მას შემდეგ რაც გავრცელდა ინფორმაცია, რომ ხურვალეთთან, საქართველოს ცენტრალური ხელისუფლების კონტროლირებად ტერიტორიაზე რუსი სამხედროები იმყოფებოდნენ, ჟურნალისტებსა და სხვა მოქალაქეებს საგუშაგოდან გზის გაგრძელების შესაძლებლობა არ ჰქონდათ. 

მოგვიანებით გავრცელდა სახელმწიფო უსაფრთხოების სამსახურისა და ევროკავშირის სადამკვირვებლო მისიის განცხადებები, რომ სოფელ ხურვალეთში საოკუპაციო რეჟიმის წარმომადგენლები არ იმყოფებოდნენ.