რუსთავის ბაზართან ფიზიკური დაპირისპირება მოხდა - დაშავებულია ორი კაცი
08:50:15 14-02-2019
რუსთავში, მე-16 მიკრორაიონში, ე.წ. სტამბულის ბაზრის მიმდებარე ტერიტორიაზე მამაკაცებს შორის შელაპარაკება მოხდა, რაც ცემა-ტყეპაში გადაიზარდა. თვითმხილველების თქმით არაფხიზელ მდგომარეობაში მყოფი მამაკაცები ერთმანეთს ფიზიკურად გაუსწორდნენ.
ადგილზე მობილიზებული იყო სასწრაფო დახმარებისა და საპატრულო პოლიციის ეკიპაჟები.
ჩხუბის დროს დაშავდა 2 კაცი, მათ კლინიკაში გადაყვანაზე უარი განაცხადეს და სამედიცინო დახმარება ადგილზე გაეწიათ.