კრისტოფერ ნოლანი ახალ ფილმზე მუშაობს
11:24:59 28-06-2011
კრისტოფერ ჯონათან ჯეიმზ ნოლანი ბრიტანელ-ამერიკელი რეჟისორი, სცენარისტი და პროდიუსერი, 1970 წელს დაიბადა. მისი ყველაზე ცნობილი ფილმებია: ფსიქოლოგიური თრილერი „მემენტო“ და „ბნელი რაინდი“, რომლითაც მოიპოვა საჯარო აღიარება.
ნოლანმა სარეჟისორო კარიერა დაიწყო ფილმით „დევნა“ 1998 წელს. მას მოჰყვა ფსიქოლოგიური თრილერი „მემენტო“, რისთვისაც მან „ოსკარზე“ ნომინაცია მოიპოვა, საუკეთესო ორიგინალური სცენარისთვის. ნოლანის შემდეგი ბლოკბასტერის, „ბნელი რაინდის“ შემოსავალმა მილიარდ დოლარს გადააჭარბა და წლის ყველაზე შემოსავლიანი სურათი გახდა.
ამჟამად ნოლანი მუშაობს ბეტმენის მესამე და დასკვნით ფილმზე, „ბნელი რაინდი: აღზევება“, რომლის პრემიერაც დაგეგმილია 2012 წლის 12 ივლისისთვის. ის ასევე არის ფოლადის ადამიანის პროდიუსერი, რომელსაც რეჟისორი ზაკ სნაიდერი გადაიღებს.
რეჟისორი ხშირად მუშაობს თავის ძმასთან, სცენარისტ ჯონათან ნოლანთან და მსახიობებთან, კრისტიან ბეილთან და მაიკლ კეინთან ერთად. მას ამერიკის შეერთებული შტატებისა და გაერთიანებული სამეფოს ორმაგი მოქალაქეობა აქვს.