მაღალმთიანი სტატუსის მქონე დასახლებებში პენსია მომავალი წლიდან 240 ლარი იქნება
14:21:36 11-10-2018
მაღალმთიანი სტატუსის მქონე დასახლებებში პენსია მომავალი წლის პირველი იანვრიდან 216 ლარის ნაცვლად 240 ლარი იქნება, – ამის შესახებ ჟურნალისტებს პარლამენტის წევრმა, ზაქარია ქუცნაშვილმა განუცხადა.
პენსიის გაზრდა 2019 წლის სახელმწიფო ბიუჯეტის პროექტით არის გათვალისწინებული.
საქართველოში მაღალმთიანი სტატუსი 1 600-ზე მეტ დასახლებულ პუნქტს აქვს.
დასახლებებში, რომლებიც არ სარგებლობენ მაღალმთიანი სტატუსით, პენსია 200 ლარამდე იზრდება.