ესპანეთში მუსიკისა და სპორტის ფესტივალზე 260-მდე ადამიანი დაშავდა
13:15:12 13-08-2018
ხის კონსტრუქციის ჩამონგრევის შედეგად ესპანეთში, 260-მდე ადამიანი დაშავდა.
ადგილობრივი მედიის ინფორმაციით, ინციდენტი გუშინ საღამოს, ერთ-ერთ ფესტივალზე მოხდა.
ხის კონსტრუქციამ ხალხის მასას ვერ გაუძლო და ჩაინგრა, რის შედეგადაც მაყურებელთა დიდი ნაწილი ზღვაში ჩავარდა. დაშავებულები საავადმყოფოებში გადაიყვანეს. რამდენიმე მათგანის მდგომარეობა მძიმეა.