სირიაში არეულობა გრძელდება

სირიის ჯარებმა კონტროლქვეშ მოაქციეს ამბოხებულების მიერ დაკავებული რიგი ქალაქები. ამ დროისათვის, სამხედრო ძალები ოპოზიციის ფორმირებებს მისდევენ, რომლებმაც თავი მთიან რაიონებს შეაფარეს. სირიის სახელმწიფო ტელევიზიამ კი, ჯარისკაცთა დაკრძალვის კადრები გაავრცელა. როგორც ხელისუფლება ირწმუნება, ეს უსაფრთხოების ძალების დაღუპული თანამშრომლებია, რომლებიც ამბოხებულებმა დახოცეს. 

ამასობაში, თურქული საინფორმაციო საშუალებები ავრცელებენ ცნობებს, რომ ზოგიერთმა ოფიცერმა და ჯარისკაცმა არმია საკუთარი იარაღითურთ მიატოვა და ამბოხებულების მხარეს გადავიდა, თუმცა ოფიციალური დამასკო ამ ცნობას არ ადასტურებს.