ტყიბულში მეშახტეები აქციის გასამართად იკრიბებიან
11:34:37 19-07-2018
მინდელის შახტში ტრაგიკული შემთხვევის შემდეგ დახურული შახტების თანამშრომლებს „საქნახშირის“ ხელმძღვანელობასა და ხელისუფლების წარმომადგენლებთან კონკრეტული მოთხოვნები აქვთ.
აქცია 12:00 საათზე დაიწყება. მეშახტეები ადგილზე პროფკავშირის წარმომადგენელსა და რაიონის მაჟორიტარს ელიან.
ისინი ფიქრობენ, რომ მათთან შესახვედრად საქნახშირის ხელმძღვანელობაც მივა.
ტრაგედია მინდელის შახტის ერთ-ერთ უბანზე 16 ივლისს მოხდა, აფეთქებისას 4 მუშა დაიღუპა, ექვსი კი მძიმედ დაშავდა, ერთ-ერთის დაშავებულის მდგომარეობა ამ დრომდე მძიმეა. მომხდარზე დაწყებულია გამოძიება, გამოძიების დასრულებამდე დახურულია ტყიბულში მდებარე ყველა შახტი.