„უნდა დაინიშნოს რიგგარეშე საპარლამენტო არჩევნები - ხელისუფლება სასაცილო მდგომარეობაში იგდებს თავს“ - ბუბა კიკაბიძე
11:44:35 21-06-2018
მსახიობი და მომღერალი ბუბა კიკაბიძე, „პრესა.ჯი“-სთან, საქართველოში ბოლო დროს განვითარებულ მოვლენებთან დაკავშირებით საუბრობს.
როგორც მან ჩვენთან საუბრისას აღნიშნა, ხელისუფლება მსოფლიოს წინაშე სასაცილო მდგომარეობაში იგდებს თავს.
presa.ge: ბატონო ბუბა, საქართველოში ბოლო დროს განვითარებულ მოვლენებთან დაკავშირებით რას ფიქრობთ? მაგალითად, რატომ აფარებენ ხორავას ქუჩაზე მოკლული არასრულწლოვნების მკვლელებს ხელს?
ბუბა კიკაბიძე: ეს საქმე იმიტომ არის ჯერ კიდევ გამოუძიებელი, რომ არ უნდათ ის ადამიანები გამოაჩინონ, ვინც მკვლელებს ხელი დააფარა.
ამ ყველაფერში უმთავრესი როლი აკისრია ხელისუფლებას, მაგრამ მსოფლიოს წინაშე სასაცილო მდგომარეობაში იგდებენ თავს.
- თქვენ იყავით აქციებზე?
- სამწუხაროდ ვერა. მე შეუძლოდ ვარ და ამის გამო ვერ მოვახერხე იქ დგომა.
- რამ გამოიწვია მთავრობის ცვლილება?
- ხელისუფლება არამარტო ბოლო დროს განვითარევბული მოვლენების, არამედ, სხვა შექმნილი სიტუაციების გამოც გამოუვალ მდგომარეობაში აღმოჩნდა.
სწორედ ამიტომ დაიწყო მთავრობაში ცვლილებები.
- უნდა დაინიშნოს თუ არა, ვადამდელი საპარლამენტო არჩევნები?
- აუცილებლად უნდა დაინიშნოს რუგგარეშე საპარლამენტო არჩევნები, მაგრამ ვერ ვიტყოდი, რომ მხოლოდ ეს იქნება გამოსავალი.