„ქართულ ოცნებაში“ არ ადასტურებენ, რომ დღევანდელი სხდომა სამთავრობო ცვლილებებს შეეხება
13:19:43 12-06-2018
მმართველი გუნდის წევრები არ ადასტურებენ, რომ „ქართული ოცნების“ ოფისში დღეს დანიშნული უმრავლესობის სხდომა მოსალოდნელ სამთავრობო ცვლილებებს შეეხება.
როგორც საპარლამენტო უმრავლესობის წევრმა ლევან კობერიძემ Presa.ge-ს განუმარტა, სხდომის შესახებ შეტყობინება უკვე მიიღო, მაგრამ რა იქნება განსახილველი საკითხი, მისთვის უცნობია.
გავრცელებული ინფორმაციით, უმრავლესობის სხდომას პრემიერ-მინისტრი გიორგი კვირიკაშვილი დაესწრება, სადაც მსჯელობა მოსალოდნელ სამთავრობო ცვლილებებს შეეხება.