პარლამენტის წინ ნიკა მელია, ირაკლი ნადირაძე, ლევან ხაბეიშვილი და რამდენიმე პირი დააკავეს
16:22:35 11-06-2018
რუსთაველის გამზირზე დაპირისპირებისას რამდენიმე ადამიანი დააკავეს, მათ შორის „ნაციონალური მოძრაობის“ წევრები ნიკა მელია, ირაკლი ნადირაძე, ლევან ხაბეიშვილი და სხვები.
დაკავების შესახებ ინფორმაცია ჟურნალისტებს ზაალ უდუმაშვილმა მიაწოდა.
რუსთაველის გამზირზე, პარლამენტის წინ „ნაციონალური მოძრაობის“ წევრებს, მათ მხარდამჭერებსა და სამართალდამცველებს შორის დაპირისპირება მოხდა.
ინციდენტი მას შემდეგ მოხდა, რაც „ნაციონალური მოძრაობის“ წევრმა ნიკა მელიამ პარლამენტის მიმდებარე ტერიტორიიდან მხარდამჭერებთან ერთად გზა გადაკვეთა და საპატრულო პოლიციის უფროს თეიმურაზ კუპატაძესთან დაკავშირება სცადა.