რუსთავში ორი მამაკაცი დაჭრეს
23:07:38 10-06-2018
რუსთავში, რუსთაველის ქუჩაზე ახალგაზრდებს შორის მომხდარი ურთიერთშელაპარაკების შედეგად, 41 და 25 წლის მამაკაცები ცივი იარაღით დაჭრეს.
დაჭრილები რუსთავის ცენტრალურ საავადმყოფოში გადაიყვანეს. ერთ მათგანს ჭრილობა ფეხში აქვს მიყენებული. მეორეს კი სხეულზე მრავლობითი ჭრილობები აღენიშნება.
ადგილზე მობილიზებული იყო პოლიცია და სასწრაფო სამედიცინო დახმარება.
ექიმის განმარტებით, პაციენტების სიცოცხლეს არ ემუქრება.