აქციაზე სამართალდამცველებმა სამი პირი დააკავეს
19:45:58 10-06-2018
რუსთაველის გამზირზე მიმდინარე აქციაზე სამართალდამცველებმა სამი პირი დააკავეს. დაკავება აქციის მონაწილეებს შორის სიტყვიერ დაპირისპირებას მოჰყვა.
აქციის მონაწილეები აცხადებენ, რომ მათთან მივიდა უცნობი პირი, რომელიც მათ სიტყვიერ შეურაცხყოფას აყენებდა. სწორედ ამის შემდეგ მოხდა ფიზიკური დაპირისპირება აქციის მონაწილეებს და აღნიშნულ პირს შორის.
ამის შემდეგ სიტუაციაში პოლიცია ჩაერთო და არსებული ინფორმაციით, სამი პირი დააკავეს, აქედან ორი აქციის მონაწილეა, ხოლო ერთი უცნობი.