რუსმა ოკუპანტებმა ხურვალეთიდან კიდევ ერთი ქართველი გაიტაცეს

რუსმა ოკუპანტებმა გორის მუნიციპალიტეტის, სოფელ ხურვალეთის მკვიდრი, თემო ხუხაშვილი გაიტაცეს.

გავრცელებული ინფორმაციით, ხუხაშვილი მეზობელ სოფელ წითელუბანში საქონელს მწყემსავდა, რა დროსაც ის დააკავეს.

სავარაუდოდ, თემო ხუხაშვილი უკვე ცხინვალის ციხეშია გადაყვანილი. მას საოკუპაციო რეჟიმი ე.წ. საზღვრის უკანონოდ გადაკვეთას ედავება.