„გადავურჩები პუტინიზმს, კადიროვშინას“ - რას წერდა რუსი ჟურნალისტი მკვლელობამდე?

[I=3]

თავდაპირველად, ჩავედი რეპორტაჟის დასაწერად, შემდეგ დავიწყე გაანალიზება, დავიწყე რაღაცის გარკვევა, ამ ომმა ჩამითრია. მოგვიანებით, მე „სამხრეთ ოსეთში“ კიდევ რამდენჯერმე ჩავედი, ალბათ სამჯერ. იმ მომენტამდე, ვიდრე „სამხრეთ ოსეთში“ ჩემი რეპორტაჟები არ წაიკითხეს. ავტომატის ლულა მომადეს მუცელზე და მითხრეს: „ჯობს, აქ აღარ ჩამოხვიდე“. მე გავიგე მათი და აღარ ჩავსულვარ. დავიწყე ამ კონფლიქტის შესწავლა, როგორც ჟურნალისტმა და ნელნელა, თანდათან გავაცნობიერე: „მეგობრებო, რაღაც, ალბათ ისე არ იყო“. შემდეგ აცნობიერებ, რომ ძალიან ბევრი რამ „ისე არ იყო“, შემდეგ კი აცნობიერებ, რომ ყველაფერი „ისე არ იყო“. წინაისტორიის, თავად კონფლიქტის შესწავლისას, უკვე მოგვიანებით, რამდენიმე თვის ან შეიძლება ერთი ან ორი წლის შემდეგ, მე მივედი დასკვნამდე, რომ ეს ყველაფერი იყო იგივე, რაც ადრე ხდებოდა, იგივე, რაც ხდებოდა უკრაინაში. ეს იყო რუსეთის აგრესია, იმპერიული დამპყრობლური ომი. რუსეთი ამ აგრესიას ამზადებდა, როგორც შეეძლო. რუსეთმა მოახდინა საქართველოს პროვოკაცია და პირველივე შესაძლებლობაზე, შეიყვანა იქ თავისი არმია და განახორციელა ქართული ტერიტორიის ნაწილის ანექსია“, – ამბობდა ბაბჩენკო ინტერვიუში.