აშშ ირანის წინააღმდეგ ახალ სანქციებს აწესებს
10:55:38 11-05-2018
ვაშინგტონის მიერ ირანის ბირთვული შეთანხმების დატოვებიდან 2 დღის შემდეგ, ამერიკის ფინანსთა სამინისტომ შეზღუდვები ირანის რევოლუციური გვარდიის 6 წევრს და ელიტურ სამხედრო დაჯგუფებასთან დაკავშირებულ 3 კომპანიას დაუწესა.
შესაბამისი დოკუმენტი უწყების ვებგვერდზე უკვე გამოქვეყნდა. ფინანსთა მინისტრის განცხადებით, სანქციების სამიზნე ის ჯგუფებია, რომლებიც ირანის რევოლუციური გვარდიის საზიანო მოქმედებების დაფინანსებაში არიან ეჭვმიტანილი.
შეგახსენებთ, რომ 8 მაისს ტრამპმა განცხადება გაავრცელა, სადაც ამბობდა, რომ 2015 წლის ირანის ბირთვულშეთანხმებას ტოვებდა, რითაც ახლო აღმოსავლეთში კონფლიქტის რისკი გაზარდა და ევროპელი მეგობრები გაანაწყენა.