თბილისში, 24-ე სკოლასთან მოსწავლეებსა და მოქალაქეს შორის ფიზიკური დაპირისპირება მოხდა

14:25:18 24-04-2018

თბილისში 24-ე საჯარო სკოლასთან ფიზიკური დაპირისპირება მოხდა. შელაპარაკება მოქალაქესა და მოსწავლეებს შორის ფიზიკურ დაპირისპირებაში გადაიზარდა.

დაპირისპირებისას ერთ-ერთმა მონაწილემ მსუბუქი დაზიანება მიიღო. არსებული ინფორმაციით, მოქალაქემ მოსწავლეებს, რომლებიც სკოლასთან სიგარეტს ეწეოდნენ, შენიშვნა მისცა.

შსს-ს ცნობით, სკოლის მოსწავლეებსა და მოქალაქეს შორის დაპირისპირების შესახებ შეტყობინება 112-ში შევიდა.

ამ წუთებში სამართალდამცველებს ინციდენტის მონაწილე პირები გამოკითხვაზე გადაჰყავთ.