კახა კოჟორიძე: რა შუაშია თავად გირგვლიანი ამ შესწორებებთან
17:01:32 02-04-2018
„კითხვა, თუ რა შუაშია პოლიტპატიმრები „გირგვლიანის შესწორებებთან“ იგივეა, ვიკითხოთ, რა შუაშია თავად გირგვლიანი ამ შესწორებებთან“, - ასე გამოეხმაურა საქართველოს პრეზიდენტის მრჩეველი ადამიანის უფლებებისა და მართლმსაჯულების საკითხებში კახა კოჟორიძე საპარლამენტო უმრავლესობის შეფასებას პრეზიდენტის ადმინისტრაციასა და ადვოკატთა ასოციაციას შორის გაფორმებულ მემორანდუმთან დაკავშირებით.
კახა კოჟორიძის განმარტებით, ეს პროექტი მიზნად ისახავს, დაეხმაროს არა მხოლოდ პოლიტპატიმარ ადვოკატებს, არამედ პოლიტპატიმრებს ზოგადად.
„გირგვლიანის საქმე და პოლიტპატიმრების საქმეც იყო იმ სისტემური უსამართლობის ნაწილი, რასაც ვებრძოდით. დღეს ”გირგვლიანის შესწორებები” ხომ იმიტომ გვინდა, რომ მომავალში თავი დავიზღვიოთ ანალოგიური დანაშაულის გამეორებისგან. მე ვსვამ კითხვას, რანაირად უნდა დავიზღვიოთ მომავალში თავი ასეთი სისტემური დანაშაულისაგან, თუ ამ სისტემური დანაშაულის მსხვერპლებს, ერთი მხრივ, არ დავეხმარეთ და მეორეს მხრივ, არ გამოვკვეთეთ ამ სისტემური დანაშაულის ჩამდენი პირები?! სწორედ ამ იდეას ისახავს მიზნად ეს პროექტი. კითხვის დასმა, რომ რა შუაშია პოლიტპატიმრები „გირგვლიანის შესწორებებთან“, იგივეა, რომ დავსვათ მაგალითად ასეთი კითხვა: რა შუაშია გირგვლიანი თავად „გირგვლიანის შესწორებებთან?“, - განაცხადა მან.
შეგახსენებთ, რომ საქართველოს პრეზიდენტის ადმინისტრაციამ ე.წ. გირგვლიანის შესწორებებთან დაკავშირებით ადვოკატთა ასოციაციასთან ურთიერთთანამშრომლობის მემორანდუმი გააფორმა. მემორანდუმის მიზანი იმ ღონისძიებების მხარდაჭერაა, რომელიც უზრუნველყოფს საქართველოში 2005-2012 წლებში რეპრესირებული ადვოკატებისთვის და 05.12.2012 წლის #76-Iს დადგენილებით პოლიტიკური ნიშნით დაპატიმრებულ, ან დევნილ პირად მიჩნეული მსჯავრდებულების საქმეების შესწავლასა და სამართლებრივი მნიშვნელობის მქონე, მარეაბილიტირებელი გარემოებების დადგენას, რაც შესაძლებლობას მისცემს პირს, აღიდგინოს სამართლიანი სასამართლოს დარღვეული უფლება.
აღნიშნულს გამოეხმაურა საქართველოს პარლამენტის ფრაქცია „ქართული ოცნების“ თავმჯდომარის მამუკა მდინარაძე და განაცხადა, რომ „მემორანდუმთან, რომელიც შეეხება 2005-12 წლებში რეპრესირებული ადვოკატების საქმეების გადახედვას, “გირგვლიანის შესწორებები” არაფერ შუაშია.
კახა კოჟორიძის განმარტებით, ეს პროექტი მიზნად ისახავს, დაეხმაროს არა მხოლოდ პოლიტპატიმარ ადვოკატებს, არამედ პოლიტპატიმრებს ზოგადად.
„გირგვლიანის საქმე და პოლიტპატიმრების საქმეც იყო იმ სისტემური უსამართლობის ნაწილი, რასაც ვებრძოდით. დღეს ”გირგვლიანის შესწორებები” ხომ იმიტომ გვინდა, რომ მომავალში თავი დავიზღვიოთ ანალოგიური დანაშაულის გამეორებისგან. მე ვსვამ კითხვას, რანაირად უნდა დავიზღვიოთ მომავალში თავი ასეთი სისტემური დანაშაულისაგან, თუ ამ სისტემური დანაშაულის მსხვერპლებს, ერთი მხრივ, არ დავეხმარეთ და მეორეს მხრივ, არ გამოვკვეთეთ ამ სისტემური დანაშაულის ჩამდენი პირები?! სწორედ ამ იდეას ისახავს მიზნად ეს პროექტი. კითხვის დასმა, რომ რა შუაშია პოლიტპატიმრები „გირგვლიანის შესწორებებთან“, იგივეა, რომ დავსვათ მაგალითად ასეთი კითხვა: რა შუაშია გირგვლიანი თავად „გირგვლიანის შესწორებებთან?“, - განაცხადა მან.
შეგახსენებთ, რომ საქართველოს პრეზიდენტის ადმინისტრაციამ ე.წ. გირგვლიანის შესწორებებთან დაკავშირებით ადვოკატთა ასოციაციასთან ურთიერთთანამშრომლობის მემორანდუმი გააფორმა. მემორანდუმის მიზანი იმ ღონისძიებების მხარდაჭერაა, რომელიც უზრუნველყოფს საქართველოში 2005-2012 წლებში რეპრესირებული ადვოკატებისთვის და 05.12.2012 წლის #76-Iს დადგენილებით პოლიტიკური ნიშნით დაპატიმრებულ, ან დევნილ პირად მიჩნეული მსჯავრდებულების საქმეების შესწავლასა და სამართლებრივი მნიშვნელობის მქონე, მარეაბილიტირებელი გარემოებების დადგენას, რაც შესაძლებლობას მისცემს პირს, აღიდგინოს სამართლიანი სასამართლოს დარღვეული უფლება.
აღნიშნულს გამოეხმაურა საქართველოს პარლამენტის ფრაქცია „ქართული ოცნების“ თავმჯდომარის მამუკა მდინარაძე და განაცხადა, რომ „მემორანდუმთან, რომელიც შეეხება 2005-12 წლებში რეპრესირებული ადვოკატების საქმეების გადახედვას, “გირგვლიანის შესწორებები” არაფერ შუაშია.