ისანში, სანაპიროსთან 25 წლის მამაკაცი მოკლული იპოვეს

01:21:13 09-01-2018

თბილისში, ისნის რაიონში, მტკვრის სანაპიროსთან 25 წლის მამაკაცის ცხედარი იპოვეს. ცხედარს ყელის არეში დაზიანებები აღენიშნება.

არსებული ინფორმაციით, ახალგაზრდა მამაკაცს ოჯახი რამდენიმე დღის განმავლობაში ეძებდა.

შსს-ს ცნობით, მომხდარ ფაქტზე გამოძიება საქართველოს სისხლის სამართლის კოდექსის 108-ე, განზრახ მკვლელობის მუხლით დაიწყო.