ევროკავშირმა და საქართველომ 2017–2020 წლების განახლებული ასოცირების დღის წესრიგი დაამტკიცეს
15:22:15 21-11-2017
ევროკავშირმა და საქართველომ 2017–2020 წლების განახლებული ასოცირების დღის წესრიგი დაამტკიცეს.
ახალი დოკუმენტი 2014–2016 წლების ასოცირების დღის წესრიგის გათვალისწინებით შემუშავდა და მასში მოცემულია მხარეებს შორის შეთანხმებული ის პრიორიტეტები, რომლებიც ასოცირების შეთანხმებისა და ღრმა და ყოვლისმომცველი თავისუფალი ვაჭრობის სივრცის (DCFTA) შემდგომი განხორციელების პროცესში უნდა შესრულდეს.
როგორც "ევროკავშირის წარმომადგენლობა საქართველოში" იუწყება, განახლებულ დღის წესრიგში შენარჩუნებული იქნება ევროკავშირსა და საქართველოს შორის პოლიტიკური ასოცირებისა და ეკონომიკური ინტეგრაციის მისაღწევად შემუშავებული პრაქტიკული ჩარჩო; დღის წესრიგით განსაზღვრულია ასევე მომდევნო წლების რეფორმების ფართომასშტაბიანი პროგრამა. დოკუმენტში განხილულია საკითხების ფართო სპექტრი, კერძოდ, დემოკრატიული ინტიტუტების განმტკიცება, კანონის უზენაესობა, სასამართლოს დამოუკიდებულობა, ადამიანის უფლებების პატივისცემა, ასევე, საგარეო და უსაფრთხოების პოლიტიკის სფეროში თანამშრომლობა და კონფლიქტების მშვიდობიანი მოგვარება.
დღის წესრიგში შეტანილია, ასევე, ეკონომიკური და სავაჭრო საკითხები, მათ შორის სპეციალური თავი ღრმა და ყოვლისმომცველი თავისუფალი ვაჭრობის სივრცის შესახებ და ისეთ სფეროებში თანამშრომლობის შესახებ, როგორიცაა ენერგეტიკა, ტრანსპორტი, დასაქმება და სოციალური პოლიტიკა.
ასოცირების დღის წესრიგის განხორციელების პროცესში ევროკავშირი გააგრძელებს საქართველოს მხარდაჭერას სხვადასხვა გზით, კერძოდ, ფინანსური დახმარებით, ტექნიკური ექსპერტებითა და რჩევებით, ასევე, ინფორმაციის გაცვლითა და შესაძლებლობების გაზრდით.
ახალი დოკუმენტი 2014–2016 წლების ასოცირების დღის წესრიგის გათვალისწინებით შემუშავდა და მასში მოცემულია მხარეებს შორის შეთანხმებული ის პრიორიტეტები, რომლებიც ასოცირების შეთანხმებისა და ღრმა და ყოვლისმომცველი თავისუფალი ვაჭრობის სივრცის (DCFTA) შემდგომი განხორციელების პროცესში უნდა შესრულდეს.
როგორც "ევროკავშირის წარმომადგენლობა საქართველოში" იუწყება, განახლებულ დღის წესრიგში შენარჩუნებული იქნება ევროკავშირსა და საქართველოს შორის პოლიტიკური ასოცირებისა და ეკონომიკური ინტეგრაციის მისაღწევად შემუშავებული პრაქტიკული ჩარჩო; დღის წესრიგით განსაზღვრულია ასევე მომდევნო წლების რეფორმების ფართომასშტაბიანი პროგრამა. დოკუმენტში განხილულია საკითხების ფართო სპექტრი, კერძოდ, დემოკრატიული ინტიტუტების განმტკიცება, კანონის უზენაესობა, სასამართლოს დამოუკიდებულობა, ადამიანის უფლებების პატივისცემა, ასევე, საგარეო და უსაფრთხოების პოლიტიკის სფეროში თანამშრომლობა და კონფლიქტების მშვიდობიანი მოგვარება.
დღის წესრიგში შეტანილია, ასევე, ეკონომიკური და სავაჭრო საკითხები, მათ შორის სპეციალური თავი ღრმა და ყოვლისმომცველი თავისუფალი ვაჭრობის სივრცის შესახებ და ისეთ სფეროებში თანამშრომლობის შესახებ, როგორიცაა ენერგეტიკა, ტრანსპორტი, დასაქმება და სოციალური პოლიტიკა.
ასოცირების დღის წესრიგის განხორციელების პროცესში ევროკავშირი გააგრძელებს საქართველოს მხარდაჭერას სხვადასხვა გზით, კერძოდ, ფინანსური დახმარებით, ტექნიკური ექსპერტებითა და რჩევებით, ასევე, ინფორმაციის გაცვლითა და შესაძლებლობების გაზრდით.