Pink Floyd – ის ახალი გეგმები
11:22:39 11-05-2011
ბრიტანულმა ჯგუფმა Pink Floyd ხმისჩამწერ სტუდია ემისთან ახალი კონტრაქტი გააფორმა და თავისი კატალოგის მასშტაბური ხელახალი გამოცემაც დააანონსა. დეტალების შესახებ ინფორმაცია “ემის” ოფიციალურ საიტზეა განთავსებული.
ჯგუფის თაყვანისმცემლებს შორის ხმები დადის, რომ “ემი” Pink Floyd – ის იმ საკონცერტო ჩანაწერის ოფიციალურ გამოშვებას გეგმავს, სადაც ჯგუფი ორიგინალური შემადგენლობით არის წარმოდგენილი, სიდ ბარეტთან ერთად. ჩანაწერი სტოკჰოლმშია გაკეთებული 1967 წლის 10 სექტემბერს.
კომპანია “ემიმ” უკვე გამოსცა Pink Floyd - ის მემკვიდრეობის ნაწილი, "Shine On" (1992) და "Oh, by the Way" (2007). უნდა აღინიშნოს, რომ ამ ნაკრებებში ჯგუფის გამოუქვეყნებელი ან იშვიათი ტრეკები შევიდა.