ავსტრიის ალპებში 5 მთამსვლელი დაიღუპა

11:30:12 28-08-2017

BBC-ის ინფორმაციით, ავსტრიის ალპებში ხუთი გერმანელი მთამსვლელი დაიღუპა, ერთი კი დაშავდა.

მთამსვლელთა ექვსკაციანი ჯგუფი ზღვის დონიდან 2900 მეტრის სიმაღლეზე იმყოფებოდა. ინციდენტი ზალცბურგში მოხდა.

გავრცელებული ინფორმაციით, მთამსვლელები ერთმანეთზე თოკით მიბმულები იყვნენ, როდესაც ერთ-ერთი მათგანი კლდიდან გადავარდა და დანარჩენები გადაიყოლა.