“პრომეთე” და რიდლი სკოტის “საიდუმლოებები”
10:56:05 04-05-2011
გაი პირსი ნამდვილად ითამაშებს რიდლი სკოტის კინოსურათში “პრომეთე”. ამის შესახებ ინტერნეტ-რესურსი “ფლეილისტი” მსახიობის ოფიციალურ წარმომადგენელზე დაყრდნობით იუწყება.
უცნაურია, მაგრამ ფილმის შემქნელებმა რატომღაც გადაწყვიტეს, რომ პირსის მონაწილეობა საიდუმლოდ შეენახათ. მაგრამ მას შემდეგ, რაც ზოგიერთმა ინსაიდერმა განაცხადა იმის შესახებ, რომ მსახიობი გადასაღებ მოედანზე შენიშნეს, ამ ინფორმაციის დამალვამაც აზრი დაკარგა.
კონკრეტულად, რა როლი ერგო პირსს, ჯერჯერობით, ცნობილი არ არის. რეჟისორი პუბლიკას უკვე დაპირდა, რომ მაყურებელს ბევრი სიუპრიზი ელის, რაც, როგორც ჩანს, მსახიობთა შემადგენლობას ეხება. ამ ეტაპზე, მხოლოდ ის პერსონაჟებია ცნობილი, რომელსაც მაიკლ ფასბენდერი და ნუმი რაპასი განასახიერებენ. ფილმი კინოეკრანებზე 2012 წლის 8 ივნისს გამოვა.