თეთრი სახლი ამერიკულ მედიას აკრიტიკებს

თეთრი სახლის წარმომადგენელმა სარა სანდერსმა ამერიკული მედია  გააკრიტიკა, მისი თქმით მედია საშუალებები საეთერო დროს რუსეთთან კავშირებზე ყალბ ინფორმაციას უთმობენ.

„მაისიდან ივნისის ჩათვლით, რუსეთთან კავშირებზე სიახლეებს 70-ჯერ მეტი დრო დაეთმო, ვიდრე სიახლეებს ეკონომიკის თემაზე“, -განაცხადა თეთრი სახლის წარმომადგენელმა.

მონაცემებს იმის შესახებ, თუ რა მასალას რამდენ დროს უთმობს მედიასაშუალება  Media Research Center-ის საიტი აქვეყნებს. მათი მონაცემებით, აშშ-ის პრეზიდენტის საქმიანობის გაშუქების დროის 55% რუსეთთან კავშირებს ეთმობა.