გორში ქალაქის ვიცე-მერის ოჯახი დააყაჩაღეს

გორის ცენტრში ქალაქის ვიცე-მერის, გოგა რაზმაძის ოჯახი დააყაჩაღეს. შემთხვევა დღეს რამდენიმე საათის წინ მოხდა.

გავრცელებული ინფორმაციით, რამდენიმე მძარცველი ვიცე-მერის სახლში შეიჭრა, რა დროსაც ოჯახში ძიძა იმყოფებოდა ბავშვებთან ერთად. მას ფიზიკურად გაუსწორდნენ.

მეზობლების ინფორმაციით, ოჯახიდან წაღებულია ძვირფასეულობა და ფული.