დავით როსტომაშვილი შვილის თვალწინ ბეისბოლის ჯოხით სცემეს

ცოტა ხნის წინ ცნობილი გახდა, რომ მსახიობ დავით როსტომაშვილს თავს დაესხნენ. ინფორმაცია და ფოტომასალა სოციალური ქსელით გავრცელდა. 

როგორც ირკვევა, როსტომაშვილს ბეისბოლის ჯოხით შეიარაღებული ერთი ნიღბიანი ყოფილი 5 დეკემბრის ქუჩაზე დახვდა და სცემა. მსახიობი თავდასხმის მომენტში შვილთან ერთად იმყოფებოდა.

დავით როსტომაშვილი თავდასხმის ადგილიდან სასწრაფო დახმარების ბრიგადამ „ინგოროყვას“ კლინიკაში გადაიყვანა, სადაც ამ წუთებში სამედიცინო გამოკვლევა უტარდება. კლინიკის ეზოში კი მისი მეგობრები იკრიბებიან.

ექიმების განცხადებით, მსახიობს დაზიანება თავის არეში აქვს მიყენებული. მას თავის ღია ჭრილობა და სხვადასხვა სიმძიმის დაზიანებები აღენიშნებოდა. 

შსს-ის ინფორმაციით, თავდასხმის ფაქტზე 1 პირია დაკავებული და საგამოძიებო მოქმედებები ამ წუთებში მიმდინარეობს. ამოღებულია ბეისბოლის ჯოხი, რომლითაც მსახიობი სცემეს. 

ჯერჯერობით უცნობია დანაშაულის მოტივი.