გორში ავტოავარიას მამაკაცი ემსხვერპლა

სოფელ მეჯვრისხევის გამოსასვლელში, გორის მიმართულებით მოძრავი „ტოიოტას“ მარკის ავტომანქანა „ოპელს “ შეეჯახა, რის შედეგადაც „ტოიოტას“ მძღოლი მამაკაცი გარდაიცვალა.

გარდაცვლილის ცხედარი სამხარაულის ექსპერტიზის ბიუროში გადაასვენეს.

შსს-ს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.