ქუთაისში ბოტანიკური ბაღის ადმინისტრაციული შენობა გაქურდეს
22:39:00 30-04-2017
ქუთაისში ბოტანიკური ბაღის ადმინისტრაციული შენობა გაქურდეს. წაღებულია ოთხი პერსონალური კომპიუტერი.
როგორც ბოტანიკური ბაღის დაცვის სამსახურის წარმომადგენლები აცხადებენ, სამსახურში მისვლის დროს ადმინისტრაციის შენობა გაქურდული დახვდა.
შინაგან საქმეთა სამინისტროს ინფორმაციით, გამოძიება 177-ე მუხლით მიმდინარეობს, რაც ქურდობას გულისხმობს. უწყების ცნობით, მიმდინარეობს აქტიური საგამოძიებო მოქმედებები.