როგორ შევღებოთ სააღდგომო კვერცხი?

აღდგომა ყველა ქრისტიანისთვის განსაკუთრებული დღესასწაულია, სააღდგომო კვერცხის მოხარშვის ტრადიცია კი ყველა ქრისტიანის ოჯახში სრულდება.

არსებობს კვერცხის შეღებვის სხვადასხვა მეთოდები. საუკეთესო საშუალებაა ენდრო. 

ერთი შეკვრა ენდრო კარგად გარეცხეთ, დაჩეჩქვეთ, დაასხით 1-1,5 ლიტრი წყალი, ჩაყარეთ 2-3 ხახვის გარეთა ფურცელი, 1 ჩაის კოვზი მარილი, დადგით ცეცხლზე და 15-20 წუთი ადუღეთ.

კარგად რომ გაცივდება, ჩააწყვეთ 20 კვერცხი (თუ ბევრს ერთად მოხარშავთ, კარგად არ შეიღებება და შეიძლება დასკდეს კიდევაც). თუ წყალმა კვერცხი ვერ დაფარა, ჩაამატეთ, რამდენიც საჭიროა და 20-25 წუთი ხარშეთ ნელ ცეცხლზე, შემდეგ ფრთხილად ამოიღეთ, ცივ წყალში გადააწყვეთ და ათიოდე წუთი დატოვეთ (ასე გაციებული კვერცხი ადვილად გაიფცქვნება).