მონიკა ბელუჩი ანჯეი ვაიდას ფილმში

მონიკა ბელუჩი ანჯეი ვაიდას ახალ ფილმში მიიღებს მონაწილეობას, რომელიც ლეხ ვალენსას ეძღვნება. ამის შესახებ “thenews.pl” საკუთარ წყაროზე დაყრდნობით იუწყება.

კინოვარსკვლავი ფილმში იტალიელი ჟურნალისტის, ირიანა ფალაჩის როლს შეასრულებს, რომელმაც სხვადასხვა დროს ისეთი ცნობილი პიროვნებებისაგან აიღო ინტერვიუები, როგორებიც არიან მუამარ კადაფი, ფედერიკო ფელინი, იასირ არაფატი, ინდირა განდი და სხვები. გასული წლის 80-იან წლებში ფალაჩიმ ინტერვიუ ვალენსასთან ჩაწერა. სწორედ ეს ეპიზოდი შევა ფილმში.

მსახიობი პოლონეთში უახლოეს პერიოდში ჩავა. იგეგმება, რომ ბელუჩის ეპიზოდის გადაღება ორ დღეს გაგრძელდება. ფილმის მთავარი როლის შემსრულებლის ვინაობა, ჯერჯერბით, ცნობილი არ არის.