საფრანგეთში ნიცის ტერაქტის მოწყობაში ეჭვმიტანილი 5 პირი დააკავეს

BBC-ის ინფორმაციით, საფრანგეთში, ნიცის ტერაქტის მოწყობაში თანამონაწილეობის ბრალდებით 4 მამაკაცი და ერთი ქალი დააკავეს. მათ სატვირთოს მძღოლის დახმარებაში ადანაშაულებენ.

ფრანგი პროკურორის ფრანსუა მოლინსის თქმით, ერთ-ერთი ეჭვმიტანილი, მეორე დღეს შემთხვევის ადგილზე დაბრუნდა და ტერაქტის შედეგებს იღებდა.

დაკავებულთაგან სამი ტუნისელია, ისევე როგორც მუჰამედ ბოულელი, რომლის სატვირთომაც ნიცაში 84 ადამიანი იმსხვერპლა, ერთი ალბანელი, დაკავებული ქალი კი ალბანელი ფრანგი.

შეგახსენებთ, 14 ივლისს ფრანგულ რივიერაზე 31 წლის ტუნისელმა ფრანგმა საბრძოლო მასალით დატვირთული სატვირთო მანქანით ხალხის მასაში შევარდა და თითქმის 2 კილომეტრი გაიარა. დაიღუპა 84 ადამიანი, მათ შორის ბავშვებიც.

აღნიშნულის გამო, საფრანგეთმა საგანგებო მდგომარეობა, რომელიც ივლისის ბოლოს უნდა დასრულებულიყო, კიდევ 3 თვით გააგრძელა.