ფონიჭალაში ქმარმა 20 წლის მეუღლე მოკლა - ბრალდებული ცხელ კვალზე დააკავეს

09:43:55 13-07-2016

ფონიჭალაში ქმარმა 20 წლის მეუღლე მოკლა. როგორც ცნობილია, ახალგაზრდა ქალი ქმარმა ყელის არეში, ცივი იარაღით დაჭრა. ის საავადმყოფოში გადაიყვანეს, თუმცა მისი გადარჩენა ვერ მოხერხდა. მკვლელობაში ბრალდებული 26 წლისაა.

შინაგან საქმეთა სამინისტროს ინფორმაციით, მკვლელობაში ბრალდებული მეუღლე ცხელ კვალზე დააკავეს. საქმე სისხლის სამართლის კოდექსის 108-ე მუხლითაა აღძრული.

შემთხვევის ადგილზე მთელი ღამის განმავლობაში ექსპერტ-კრიმინალისტები მუშაობდნენ.

წინასწარი ვერსიით, მკვლელობის მიზეზი ეჭვიანობა გახდა.