მარილის ფალსიფიკაციის ფაქტზე 3 პირი დააკავეს
11:49:33 16-02-2016
ფინანსთა სამინისტროს საგამოძიებო სამსახურმა საკვები პროდუქტის ფალსიფიკაციის ფაქტზე, 3 პირი სისხლის სამართლის პასუხისგებაში მისცა.
გამოძიების ინფორმაციით, დაკავებულები ფალსიფიცირებული მარილის რეალიზაციას ახდენდნენ. კერძოდ, ბრალდებულები აფასოებდნენ არაიოდიზირებულ მარილს და საცალო ბაზარზე მოტყუებით ასაღებდნენ, როგორც იოდიზირებულ პროდუქტს.
დანაშაული სასჯელის სახით 1-დან 3 წლამდე თავისუფლების აღკვეთას ითვალისწინებს.