ხიდაშელი: "ეს არის ის, რაც ქართველებს არასდროს უნდა უთხრათ!"

„როცა თქვენ ამბობთ - „რუსეთის პროვიცირება“, ეს არის ის, რაც ქართველებს არასდროს უნდა უთხრათ! იცოდეთ, ეს თქვენთვის დისკუსიის დასასრული იქნება... ყველა საუბრობს რუსეთ-საქართველოს 2008 წლის ომზე, რომ იგი 7 აგვისტოს დილით დაიწყო, მაგრამ ეს ომი დიდი ხნით ადრეა დაწყებული. 1991 წელს, როდესაც საქართველომ დამოუკიდებლების შესახებ განაცხადა და უარი თქვა მოსკოვის გავლენაზე ეს გახდა ომის დაწყების საფუძველი“ - ასე უპასუხა თინათინ ხიდაშელმა ჰალიფაქსის უსაფრთხოების ფორუმზე მოდერატორს, რომელმაც 2008 წლის რუსეთის სამხედრო აგრესიის ერთ-ერთ შესაძლო გამომწვევ მიზეზად მოსკოვის მიზანმიმართული პროვოცირება ივარაუდა.

„მაგალითისთვის, ნატო-ს არსებობა უკვე საკმარისი საფუძველია რუსეთის პროვოცირებისთვის. ასევე, დამოუკიდებელი საქართველოს არსებობა, რომელიც უარს ამბობს, რუსეთთან თანაცხოვრებაზე, რომელიც ამბობს, რომ მე გავაკეთე განსხვავებული არჩევანი - ეს უკვე საკმარისი საფუძველია რუსეთისთვის, რათა გააკეთოს ის, რასაც საქართველოში დღესაც აკეთებს. ყველა საუბრობს რუსეთ-საქართველოს ომზე, რომ იგი 2008 წლის 7 აგვისტოს დილას დაიწყო. სინამდვილეში ეს ომი დიდი ხნით ადრეა დაწყებული - 1991 წელს, როდესაც საქართველომ დამოუკიდებლების გამოაცხადა და უარი თქვა მოსკოვის გავლენაზე...ამის შემდეგ ჩვენ სხვადასხვა ეტაპები გავიარეთ - 1991-1992-1994-1998 და 2008 იყო ერთ-ერთი ამ ეტაპებიდან. ჩვენ მუდმივად ომის რეჟიმში ვიყავით, ჩვენი დამოუკიდებლობის პირველი დღიდან. ამ ყველაფრის მიუხედავად, ამ მსხვერპლის მიუხედავად სოფლები, ქალაქები, ტერიტორიები, ხალხი რომლებსაც ვკარგავთ 25 წლიანი დამოუკიდებლობის ისტორიის მანძილზე ჩვენ განვაგრძობთ სვლას და „არა“-ს ვეუბნებით ყველაფერს, რაც რუსეთის მიერ მშვიდობის სანაცვლოდ არის შემოთავაზებული“ - განაცხადა საქართველოს თავდაცვის მინისტრმა.

მისი თქმით, ყველაფერს რასაც სუვერენული საქართველო გააკეთებს და გადაწყვეტს, ხვალ, შესაძლოა, რუსეთის მხრიდან აღქმული იყოს როგორც მორიგი ნაბიჯი მისი პროვოცირებისთვის. როგორც თავდაცვის მინისტრმა აღნიშნა, საქართველოსა და უკრაინის აღმოსავლეთში განვითარებული მოვლენები, ყირიმის ანექსია დიდი ალბათობით დაასრულებს დისკურსს იმის შესახებ, რომ რუსეთის პროვოცირებას ხელოვნურად ცდილობენ.