ხახვის სალათა ყველით

მასალა: მწვანე ხახვი – 100 გრამი, გახეხილი, მაგარი ყველი – 1 ჭიქა, მოხარშული ბრინჯი – 1 ჭიქა, არაჟანი – ნახევარი ჭიქა, ლიმონის წვენი – 1 სუფრის კოვზი, პომიდორი – 4 ცალი, კიტრი – 1 ცალი, ოხრახუში, მარილი, მაიონეზი, პილპილი – გემოვნებით.

ყველი ავურიოთ არაჟანთან, დავამატოთ წვრილად დაჭრილი ხახვი, მოვაყაროთ მარილი და პილპილი. ამ ნარევს დავუმატოთ ბრინჯი და ავურიოთ. სალათა მოვათავსოთ სასალათეზე, დავასხათ ლიმონის წვენი, გავაფორმოთ თხლად დაჭრილი კიტრით, მაიონეზით, პომიდვრის ნაჭრებით და მწვანილით.