„ყველამ იცოდა როგორ ცხოვრობდა და როგორი ადამიანი იყო ზურაბ ჟვანია“
14:59:07 14-07-2015
თბილისის საქალაქო სასამართლოში ამ წუთებში ზურაბ ჟვანიას მეუღლე ნინო ქადაგიძე-ჟვანია, ზურაბ ჟვანიას საქმეზე ბრალდებულების: კობა ხარშილაძისა და მიხეილ ძაძამიას პროცესზე, მოწმის სახით იკითხება.
ნინო ქადაგიძემ დღეს სასამართლოზე განაცხადა, რომ კობა ხარშილაძე ტყუის, როცა ამბობს, რომ იმ ღამეს, როცა ზურაბ ჟვანია დაიღუპა, ფანჯარა ჩაამტვრია და ბინაში გადაძვრა.
ჟვანიას ქვრივის ამ განცხცხადების შემდეგ კობა ხარშილაძის ადვოკატმა, ბექა ბასილაიამ, ქადაგიძეს ჰკითხა, ესწრებოდა თუ არა აღნისნულ ექსპერიმენტს, რაზეც ქადაგიძემ უპასუხა, რომ თავად არ ესწრებოდა, ან ესწრებოდა და ზუსტად არ ახსოვს. თუმცა, მისივე თქმით, ინფორმაცია გარდაცვლილის ძმამ, გოგლა ჟვანიამ მიაწოდა.
აღნიშნულზე ქადაგიძემ განაცხადა, რომ მან არ იცის, რა ოქმზეა საუბარი.
“არ ვიცი, რა ოქმზეა საუბარი, შესაძლოა, ექსპერიმენტის გარკვეულ ნაწილს დავესწარი, თუმცა კონკრეტულად არ მახსოვს, ხარშილაძე როგორ გადაძვრა ფანჯარაში. მე ვამბობ იმას, რომ ხარშილაძე ფიზიკურად ვერ გადაძვრებოდა იქ, სადაც ამბობს, რომ გადაძვრა. სწორედ ესაა მისი ტყუილი.
ღამის 3 საათზე კორპუსში გაზი გადაკეტილი იყო. რაღაცას ბოდავენ. ესენი ამბობენ, რომ ძაძამიამ დაურეკა ხარშილაძეს. შემდეგ ხარშილაძემ ფანჯარა გატეხა და გაზი გამოვარდა ფანჯრიდან, რომელსაც ვერ იგრძნობდა ხარშილაძე იქიდან გამომდინარე, რომ გაზს სუნი არ აქვს. ხარშილაძე ამბობს, რომ გაზის შიშინი ესმოდა და გამათბობელი გამორთო.
როგორც ნინო ქადაგიძე-ჟვანია აცხადებს, ზურაბ ჟვანიას თან დაჰქონდა სეიფის გასაღები. გარდაცვალების შემდეგ კი მას აქვს ინფორმაცია, რომ გასაღებით ისარგებლა კობა ხარშილაძემ.
მისივე თქმით, როდესაც მივიდა გარდაცვალების ადგილას, კობა ხარშილაძე მას შესვლის უფლებას არ აძლევდა. სახლთან კი ბევრი პოლიციელი და დაცვის თანამშრომელი იყო.
„ყველამ იცოდა როგორ ცხოვრობდა და როგორი ადამიანი იყო ზურაბ ჟვანია“- დასძინა გარდაცვლილი პრემიერის ქვრივმა.