ქადაგიძე: ეროვნული ბანკის მიმართ მიზანმიმართული ცილისმწამებლური კამპანია მიმდინარეობს

12:10:11 27-02-2015

ეროვნული ბანკის პრეზიდენტმა გიორგი ქადაგიძემ დღეს ყოფილი პრემიერ მინისტრის ბრალდებებს სპეციალურ პრესკონფერენციაზე უპასუხა.

მისი თქმით, საქართველოს ეროვნული ბანკის მიმართ მიზანმიმართული ცილისმწამებლური კამპანია მიმდინარეობს.

ქადაგიძე ამბობს, რომ სამომავლოდ პოლიტიკურ დებატებში აღარ შევა, ვინაიდან ეს მისი მანდატი არ არის.

ქადაგიძე: "საზოგადოებამ კარგად იცის, რომ ჩვენ არ ვაკეთებთ პოლიტიკურ კომენტარებს სხვადასხვა დროს სხვადასხვა ტიპის თავდასხმებზე, რომელიც ხორციელდება ეროვნულ ბანკზე, ვიზიარებთ რა იმ პასუხისმგბელობას, რომელიც ჩვენ გაგვაჩნია. ჩვენ არც მომავალში ვაპირებთ პოლიტიკურ დებატებში ჩართვას საჯაროდ. ეს არ არის ჩვენი მანდატი, მაგრამ ვინაიდან ბოლო პერიოდში ეროვნული ბანკის მიმართ მიზანმიმართული ცილისმწამებულუირი კამპანია მიმდინარეობს, საჭიროდ ვთვლით მოგახსენოთ იმ პოზიციის შესახებ ქრონოლოგიურად, რომელსაც ეროვნული ბანკი გამოხატავდა".