"გარემოვაჭრე ქალი საკუთარ სახლში გაგუდეს"- რას ამბობს შსს?
12:59:12 06-02-2015
ტელეკომპანია "რუსთავი 2"- ის ინფორმაციით, თბილისში ბანანით მოვაჭრე ქალი მოკლეს. ქალი საკუთარ სახლში გაგუდეს, ბინიდან კი ფული და ოქროს სამკაულები წაიღეს.
გავრცელებულ ინფორმაციას, არ ადასტურებს შს სამინისტროს საზოგადოებასთან ურთიერთობის სამსახურის ხელმძღვანელი ნინო გიორგობიანი.
"
ეს ვერსია ამ ეტაპზე არ დასტურდება! ეს ქალბატონი სახლში ნახეს გარდაცვილი, დანიშნულია ექსპერტიზა რათა დადგინდეს გარდაცვალების მიზეზი, არც მძარცველების იქ ყოფნა დასტურდება! მიმდინარეობს საგამოძიებო მოქმედებები და გაირკვევა მომხდარის მიზეზი",- აღნიშნავს ის.
გიორგობიანისგან განსხვავებული ინფორმაცია აქვთ გარდაცვლილი ლელა ავლოხაშვილის კოლეგებს.
მათი ინფორმაციით, ქალბატონი წუხელ ჯერ გაქურდეს, შემდეგ კი - გაგუდეს.
"სახის მარჯვენა მხარე გაწითლებული ჰქონდა. მისმა ქმარმა დარეკა და გვითხრა, რომ სახლში გარდაცვლილი იპოვა", - ამბობს ერთ-ერთი გარემოვაჭრე.
შემთხვევა გოგოლის ქუჩაზე მოხდა.