ჯონ გალიანო ანტისემიტი აღმოჩნდა
11:17:45 01-03-2011
მოდელიორი ჯონ გალიანო, რომელიც მცირე ხნის წინ ანტისემიტიზმში ამხილეს, საჯაროდ გამოთქვამს თავის სიმპატიებს ჰიტლერის მიმართ. ამას ვიდეოჩანაწერი მოწმობს, რომელიც ბრიტანული გაზეთის, “The Sun” – ის ვებგვერდზე განთავსდა.
ჩანაწერში პიროვნება ჰიტლერის მიმართ სიყვარულს და პატივისცემას ამტკიცებს და ებრაელების მისამართით რადიკალური განცხადებებით გამოდის. ჩანაწერში ისე ჩანს, რომ მოდელიორმა პასუხი გასცა ქალბატონის რეპლიკას: “თქვენ კი რა, ქერათმიანი ხართ, ცისფერი თვალებით?”
სახელგანთქმული მოდელიორის ადვოკატმა “ასოშეითედ პრესს” განუცხადა, რომ ამ ჩანაწერის არსებობის შესახებ არაფერი იცის და შესაბამისად კომენტარსაც ვერ გააკეთებს.
ანტისემიტური გამოსვლების და ინცინდენტების გამო, ჯონ გალიანო “კრისტიან დიორის” არტ-დირექტორობიდან გადააყენეს, სულ რაღაც ერთი კვირით ადრე, თავის ახალი კოლექციის ჩვენებამდე.