„იუთუბმა“ კანე უესტის კლიპი წაშალა

საიტ „იუთუბიდან“ კანე უესტის კლიპი „All Of The Lights“ წაშალეს. ამის შესახებ „Gigwise“ იტყობინება.

კლიპი მას შემდეგ გაქრა, რაც საიტის ადმინისტრაციას საქველმოქმედო ორგანიზაცია „Epilepsy Action“ – მა მიმართა. ორგანიზაციაში 456 ეპილეფსიით დაავადებული ბრიტანელია გაერთიანებული. მისმა წარმომადგენლებმა განაცხადეს, რომ კლიპში წარმოდგენილი ფერთა ცვლა და განათებები, ეპილეფსიით დავადებულებზე უარყოფითად მოქმედებს. ამიტომ, ისინი დაუკავშირდნენ „იუთუბის“ ადმინისტრაციას, რომელმაც ორგანიზაციის მიმართვა გაითვალისწინა. 

ვიდეოს პრემიერა საიტზე რამდენიმე დღის წინ მოხდა. ამ პერიოდში კლიპი მილიონობით ადამიანმა ნახა. ვიდეორგოლის ჩვენებაზე ბრიტანულმა ტელეარხებმაც უარი განაცხადეს.

თავად კომპოზიციის ავტორი, ჯერჯერობით, კომენტარს არ აკეთებს. კლიპის ნახვა კი სხვა საიტებზე მაინც შესაძლებელია.