დაჭრა წყნეთში - 24 წლის ბიჭს 14 ტყვია ესროლეს

24 წლის ახალგაზრდა, რომელსაც 14 ტყვია ესროლეს, რეანიმაციულ განყოფილებაში სიკვდილს ებრძვის. კრიმინალური გარჩევა გუშინ საღამოს, წყნეთში მოხდა. ადგილობრივთა განცხადებით, ურთიერთშელაპარაკება დაჭრით დასრულდა. 

დაზარალებული "რესპუბლიკურ საავადმყოფოში" უმძიმეს მდგომარეობაში წყნეთიდან სასწრაფო-სამედიცინო დახმარების ბრიგადამ გუშინვე  გადმოიყვანა. 

როგორც "პრესა.ჯი"-ს საავადმყოფოში უთხრეს, ახალგაზრდა მამაკაცს გადაუდებელი ოპერაცია ჩაუტარდა.
ექიმების განცხადებით, დაჭრილის მდგომარეობა სტაბილურად მძიმეა.

"პრესა.ჯი" მომხდარის შესახებ შს სამინისტროს დაუკავშირდა. უწყებაში ფაქტს ადასტურებენ, თუმცა დამატებით დეტალებზე ამ ეტაპისთვის არ საუბრობენ. 

"მიმდინარეობს გამოძიება, დამატებითი დეტალები მოგვიანებით გახდება ცნობილი",- აცხადებენ შს სამინისტროში.