ამ წუთებში მარიუპოლში ისვრიან - არიან მოკლულები და დაჭრილები

ამ წუთებში, უკრაინული მედია ავრცელებს ინფორმაციას იმის შესახებ, რომ მარიუპოლში(უკრაინა, დონეცკის ოლქი) ისვრიან. ოთხი ადამიანი დაჭრილი და ჰოსპიტალიზებულია. 

„ბი-ბი-სი“-ს რუსული ბიუროს ინფორმაციით, სავარაუდოდ, ისვრიან შს ქალაქის სამმართველოსა და ნაცგვარდიის სამხედრო ნაწილის მიმდებარე ტერიტორიაზე. 

„თვითმხილველთა თქმით, უცნობი ადამიანები ცდილობენ შტურმით აიღონ მარიუპოლის მილიციისა და სამხედრო ნაწილის შენობა“, - იტყობინება მარიუპოლის ოფიციალური ვებ-გვერდი. 

თავად მარიუპოლის მილიცია ჯერჯერობით არ აკეთებს ოფიციალურ განცხადებას იმის შესახებ თუ რა ხდება ქალაქში სინამდვილეში. თუმცა, ბოლო ინფორმაციით, ქალაქის ცენტრი დაკეტილია ტრანსპორტისა და ქვეითად მოსიარულეებისათვის. 

ასევე ვრცელდება ინფორმაცია იმის შესახებაც რომ ანტიტერორისტული ოპერაციისას, ლიკვიდირებულია 8 ტერორისტი.