შსს კოდუაზე თავდასხმაში ეჭვმიტანილის აღიარებით ჩვენებას აქვეყნებს
11:43:51 04-05-2014
შსს ბიზნესმენ დავით კოდუაზე თავდასხმაში ეჭვმიტანილი ნოშრევან ნამორაძის აღიარებით ჩვენებას აქვეყნებს. ნამორაძე კოდუას ცემის მოტივზე საუბრობს.
„დათო კოდუა, შემთხვევით შემხვდა ბარნოვის ქუჩაზე. ვინაიდან მე მასთან მქონდა გარკვეული პრეტენზიები იმის გამო, რომ 2008 წელს დავით და ერეკლე კოდუამ დაგეგმეს ჩემი დაჭერა - ნარკოტიკის ჩადება. შემომივარდნენ სახლში, ჩამიდეს ნარკოტიკი და დამიჭირეს. ამის სანაცვლოდ წაიღეს მთელი ჩემი ქონება, გადამახდევინეს ნახევარი მილიონი ლარი. ვიყავი "ტიფლის დეველოპმენტის" დამფუძნებელი, 50%-იანი წილის მფლობელი. გადაიფორმეს ყველაფერი და ასე ვთქვათ, წამართვეს, ამახიეს ქონება. ეს იყო მოტივი. მანამდე მე შევხვდი დათო კოდუას და ვუთხარი, რომ ეს ამბავი ასე არ დამთავრდებოდა და სიმართლე უნდა დადგენილიყო - ქონება უნდა დამბრუნებოდა, ეს ლაფი და სიბინძურე, რაც მათმა ქმედებამ გამოიწვია ჩემი და ჩემი ოჯახის წინააღმდეგ, აუცილებლად ეს ყველაფერი უნდა დამთავრებულიყო.
მან არ ისურვა ამ ყველაფრის დალაგება. შემთხვევით შევხვდი ბარნოვის ქუჩაზე და ძალის გამოყენება მომიწია და ვცემე. ეს იყო ყველაფერი. ჩემი ერთი წლის ბავშვი იყო ამ ყველაფრის მომსწრე, როდესაც სახლში შემომივარდნენ და სახლში დამიდეს ნარკოტიკი. მე ამას არ ვაპატიებდი არც ერეკლე და არც დათო კოდუას. ეს ყველაფერი ქონების გამო მოხდა. ქონება წაიღეს, ნახევარი მილიონი გადამახდევინეს და ასე დამთავრდა 2008 წელს ეს ისტორია“, - ამბობს ნამორაძე.
ცნობისთვის, დავით კოდუას გუშინ დაახლოებით, სამ საათზე დაესხნენ თავს. ბიზნესმენი საავადმყოფოშია გადაყვანილი. მას ოპერაცია ჩაუტარდა. შსს-ს ცნობით, ნოშრევან ნამორაძე სამართალდამცველებს ჩაბარდა და განაცხადა, რომ მან შურისძიების ნიადაგზე სცემა დავით კოდუა.
„დათო კოდუა, შემთხვევით შემხვდა ბარნოვის ქუჩაზე. ვინაიდან მე მასთან მქონდა გარკვეული პრეტენზიები იმის გამო, რომ 2008 წელს დავით და ერეკლე კოდუამ დაგეგმეს ჩემი დაჭერა - ნარკოტიკის ჩადება. შემომივარდნენ სახლში, ჩამიდეს ნარკოტიკი და დამიჭირეს. ამის სანაცვლოდ წაიღეს მთელი ჩემი ქონება, გადამახდევინეს ნახევარი მილიონი ლარი. ვიყავი "ტიფლის დეველოპმენტის" დამფუძნებელი, 50%-იანი წილის მფლობელი. გადაიფორმეს ყველაფერი და ასე ვთქვათ, წამართვეს, ამახიეს ქონება. ეს იყო მოტივი. მანამდე მე შევხვდი დათო კოდუას და ვუთხარი, რომ ეს ამბავი ასე არ დამთავრდებოდა და სიმართლე უნდა დადგენილიყო - ქონება უნდა დამბრუნებოდა, ეს ლაფი და სიბინძურე, რაც მათმა ქმედებამ გამოიწვია ჩემი და ჩემი ოჯახის წინააღმდეგ, აუცილებლად ეს ყველაფერი უნდა დამთავრებულიყო.
მან არ ისურვა ამ ყველაფრის დალაგება. შემთხვევით შევხვდი ბარნოვის ქუჩაზე და ძალის გამოყენება მომიწია და ვცემე. ეს იყო ყველაფერი. ჩემი ერთი წლის ბავშვი იყო ამ ყველაფრის მომსწრე, როდესაც სახლში შემომივარდნენ და სახლში დამიდეს ნარკოტიკი. მე ამას არ ვაპატიებდი არც ერეკლე და არც დათო კოდუას. ეს ყველაფერი ქონების გამო მოხდა. ქონება წაიღეს, ნახევარი მილიონი გადამახდევინეს და ასე დამთავრდა 2008 წელს ეს ისტორია“, - ამბობს ნამორაძე.
ცნობისთვის, დავით კოდუას გუშინ დაახლოებით, სამ საათზე დაესხნენ თავს. ბიზნესმენი საავადმყოფოშია გადაყვანილი. მას ოპერაცია ჩაუტარდა. შსს-ს ცნობით, ნოშრევან ნამორაძე სამართალდამცველებს ჩაბარდა და განაცხადა, რომ მან შურისძიების ნიადაგზე სცემა დავით კოდუა.