ემინემი ჩაის რეკლამაში მილიონ დოლარს მიიღებს
14:36:18 03-02-2011
კომპანია „Lipton“ – მა, თავის ახალ რეკლამაში, რეპმომღერალ ემინემის სახე გამოიყენა. როგორც „ნიუ იორკ თაიმსი“ იუწყება, ემინემი რეკლამაში მონაწილეობისათვის მილიონზე მეტ დოლარს მიიღებს. სარეკლამო როლიკის პრემიერა აშშ–ის ეროვნული საფეხბურთო ლიგის პრემიერაზე შედგება, რომელიც 6 თებერვლისთვის იგეგმება. როლიკი ქსელში ჯერ არ გამოჩენილა. გამოცემის წყაროები, რეკლამას მოიხსენიებენ, როგორც „ძალიან სასაცილოს.“ მასში მულტიპიკაციური ფორმით აღწერილია ემინემის ცხოვრების ერთი დღე. მომღერალი კონკრეტულად ბრენდ „Lipton Brisk“ – ს გაუწევს რეკლამირებას, რომელსაც კომპანია „პეპსისთან“ ერთად უშვებს. ამერიკის შეერთებულ შტატებში, ამ ბრენდმა პოპულარობა სწორედ ცნობილ ადამიანებზე გაკეთებული მულტიპიკაციური როლიკებით მოიპოვა. მათ შორის იყვნენ: ბრუს ლი, დენი დე ვიტო, ოზი ოსბორნი და სხვები. ამერიკელი რეკლამის შემქნელები ცდილობენ თავიანთი საუკეთესო რეკლამა სწორედ „Super Bowl“–ზე განათავსონ, რადგან ამერიკული ფეხბურთის ჩემპიონატის ფინალი ტელემაყურებლებში ძალიან პოპულარულია.